“Amasia”, kontinenti i ri qe po lind

Pas 200 milion vitesh Toka do te ngjaje shume e ndryshme, me te dhenat e fundit te shkencetareve qe flasin per formimin e nje superkontinenti te ri, te quajtur “Amasia”, nje bashkim i Azise me Ameriken e Veriut.

Ndonese afrimi i kontineteve ishte njohur edhe me pare, besohej se do te ishte Afrika ajo qe mund te bashkohej me Ameriken Latine.
Studimi i fundit eshte i pari ne llojin e vet qe parashikon se bashkimi mund te ndodhe ne zonen ku sot shtrihet Poli i Veriut.

Ideja e Amasias u publikua kete jave ne revisten “Nature”, e cila spekulonte se “ngjizja” do te ndodhe 50-200 milion vjet me pas.
Megjithate, qarqe shkencore kane kritikuar menjehere ashper punet e kolegeve te tyre, duke argumentuar se studimi nuk i ka mbajtur parasysh disa ligje te ndryshimit te Tokes.

Studime te meparshme jane perqendruar ne mundesine e shpendarjes se kontineneteve ne dy masa te ndryshme, te bashkuara dhe larg njera-tjetres.

Sipas tyre, ndersa Afrika do te afrohet me dy Amerikat ne nje zone te ndermjetme ku sot ndodhet Oqeani Atlantik, Azia dhe Europa do te avancojne se bashku drejt bashkimit me Australine.