Tumori në gjoks, nuk shkaktohet nga deodoranti

TIRANE - Ekspertët kanë vërtetuar se deodoranti nuk rrit rrezikun e tumorit në gjoks, duke hedhur poshtë idetë e përpahura se përbërësit e tij janë shkaktarët kryesorë të kancerit tek femrat.

Sipas ekspertëve britanikë, këta përbërës janë gjetur edhe në lëkurën e femrave që nuk kanë përdorur kurrë një deodorant.

Studimi i fundit tregon se përbërësit e rrezikshëm nuk ndodhen domosdoshmërisht tek deodoranti, por mund të gjenden në produkte të tjera që mund të jenë edhe ushqimore.

Studimi i publikuar në “Journal of Applied Toxicology” ka përfshirë 40 femra të diagnostikuara me tumor në gjoks. Rezultatet treguan se tek të gjitha këto gra kishte përbërës kancerogjenë nën sqetull, pavarësisht se disa prej tyre nuk kishin përdorur kurrë deodorant.

Sipas drejtorit të qëndrës kozmetike në Universitetin Katolik të Romës, Leonardo Celleno, femrat nuk duhet të preokupohen për përdorimin e deodorantit pasi në ditët e sotme prodhohen produkte të sigurta që nuk janë të dëmshme për shëndetin.

Që prej fillimit të viteve ’90, studime të ndryshme kanë hedhur hipoteza se përbërësit kancerogjenë ndodhen kryesisht në produktet kozmetike që përdoreshin nën sqetull.

(er.nu/BalkanWeb)

nuk esht e vertet...mesuesja ime e ka pas para 5 vjetesh,dhe i kan then qe e ka marr nga deodoranti,dhe te ben me shum dem nese e perdorim mas depilimit...