Shqipëria çbunkeriozohet

Më shumë se 20 vjet që kurse u rrëzua sistemi komunist, bunkerët kanë mbetur ende në këmbë, si dëshmi e një përpjekje të dhimbshme të popullit shqiptar.

Mijëra bunkerë anë e kënd vendit u ndërtuan për t’u mbrojtur nga armiqtë, të cilët nuk erdhën kurrë.

Një pjesë fare vogël e bunkerëve janë shkatërruar nga individë për të marrë hekurin për skrap, por thyerja e tyre është tejet e vështirë me mjete rrethanore.

Qeveria, duket se ka menduar që të zhduken edhe bunkerët e komunizmit, që sundoi vendin për gati gjysmë shekulli, bën të ditur Start.

Në mbledhjen e sotme të qeverisë, kryeministri ka kërkuar që të nisë puna për çbunkerizmin e vendit. Ky proces, nëpërmjet përcaktimit të qartë të bazës ligjore do tu ngarkohet autoriteteve vendore, në mënyrë që ata vetë të përshtatin praktikat që atyre ju duken më të mundshmet, për realizimin e këtij procesi, sipas rrethanave të vendit.