Një treg në kalanë e Rozafës

Artizanët e Shkodrës duan një treg në kalanë e Rozafës.
Ky monument kulture, një nga më të vizituarit e qytetit, është parë si një mundësi e mirë për të ekspozuar, por edhe për të kryer veprimtari tregtare, nga ata që vazhdojnë të kultivojnë edhe sot një traditë të nisur në Shkodër të paktën diku nga shekulli XVIII.

Këto punime, që përfshijnë tezgjah, pëlhurë, dru e të tjera, vazhdojnë të prodhohen ende, ndonëse në kushtet e vështira të tregut.

Artizanët e Shkodrës kanë bërë kërkesa të vazhdueshme për një treg të tyre, ndersa kalaja e Rozafës është alternativa më e re e kërkuar prej tyre, nisur edhe nga fakti që janë shumë turistë të huaj që vijnë dhe e vizitojnë.

Shoqata e Artizanëve me mbështetjen e PNUD ka realizuar një projekt për ngritjen e një tregu në oborrin e kalasë, shkruan gazeta ''Shqip'' .Parashikohet të jenë afërisht rreth 30 tezga të organizuara në të cilat artizanët do të kenë mundësi të ekspozojnë punimet e tyre, të jenë në kontakt me të interesuarit, më pranë turistëve e më afër shitjeve.

Kalaja e Rozafës vizitohet në vit nga rreth 17 mijë turistë, kryesisht të huaj, ndaj edhe ky monument është menduar si vendi më i përshtatshëm për të ngritur një treg të artizanatit.Zhurnal

oh sa mrekulli asht ky ven i bekum