Llave, akull e drite, ja spektakli qe vjen nga nje “bote tjeter” (foto)

James Appleton nga Cambridge ka sfiduar vullkanin Fimmvvrpuhals dhe dimrin islandez për të mbledhur kontrastin magjepsesBritanikja “Daily Mail” servir foto të jashtëzakonshme, që duken sikur vijnë nga një tjetër botë. James Appleton, 25 vjeç, nga Cambridge ka sfiduar vullkanin Fimmvvrpuhals dhe dimrin islandez për të mbledhur kontrastin e dritave dhe ngjyrave mes një erozioni vullkanik, aurorës boreale dhe të ftohtit nordik. Fotogradi ka kaluar 7 vitet e fundit të jetës, duke fotografuar zona të mrekullueshme islandeze. Por kur mori vesh se vullkani Fimmvvrpuhals ishte gati të shpërthente, u ngut për të kapur në celuloid ngjyra, drita e kontraste që i ëndërronte për vite të tëra. “Që në avion e dija se çfarë doja të shihja, se cilat ngjyra, drita dhe kombinimin e mrekullueshëm të erozionit dhe Aurorës Boreale. Kur u gjenda përpara një spektakli të tillë fillova të kërceja nga gëzimi”, ka deklaruar Appleton, i cili s’ka mundur t’i rezistojë dot joshjes për të qenë sa më afër vullkanit, pavarësisht rrezikut që i kanosej. Megjithatë, siç ka deklaruar edhe vetë ai, dëshira për t’i fotografuar ato peizazhe magjepsëse ishte më e madhe sesa frika.