Daçiq kërcënon serbët e Kosovës: Veç mos ardhshi në Serbi!

Ministri i Punëve të Brendshme i Serbisë, Ivica Daqiq ka thënë se problemi i policëve serbë të prangosur, që jetojnë në Kosovë "sa më parë" duhet zgjidhur. Ai tha se së bashku me kryetarin e Serbisë, Boris Tadiq për këtë kanë biseduar edhe me përfaqësuesen e lartë të BE-së, Catherine Ashton.
Daçiq u tha gazetarëve se, Serbia për shkak të prangosjes së policëve serbë mundet të ndërmerr masa reciprociteti, duke theksuar që shumica që punojnë në policinë e Kosovës për çdo ditë kalojnë nga Serbia qendrore në Kosovë.
Lidhur me lajmin se gjashtë serbët e prangosur të punësuar në ministrinë MPB të Serbisë, janë paraqitur në MPB të Kosovës, nga Nenad Cvetkoviq, kryetar i komunës së Kosovës, Partesh, i cili ka vuajtur dënimin 5 vjet, ministri i punëve të brendshme të Serbisë u kërcënua zëshëm.
Daçiqi ka deklaruar se "të gjithë ata që punojnë kundër interesave të Serbisë në institucionet e Kosovës, duhet të pyetur se çfarë mund të iu ndodhë kur të vijnë në Serbinë qendrore", raportojnë sot mediat serbe, transmeton Express.
Pjesëtarët e njësisë speciale policore të Kosovës, ROSU kanë prangosur të një javë më parë gjashtë serbë, nga ajo komunë që janë të punësuar në MPB të Serbisë.
Pjesëtarët e MPB-së të Serbisë, janë arrestuar si të dyshuar se kanë vepruar kundër interesit juridik të Kosovës. Atyre u janë gjetur uniforma të policisë serbe e distiktive të MUP-it serb. Në shtëpitë e tyre janë gjetur dhe janë konfiskuar armë të ndryshme dhe gjësende të tjera.
Si është e ditur gjykatësja e EULEX-it, Mariola Pasnik i ka caktuar masën e paraburgimit prej një muaji për pesë nga gjashtë pjesëtarët e Ministrisë së Brendshme serbe të arrestuar në rajonin e Gjilanit.
Komento edhe ti: