KFOR kërcënon serbët

Serbët nuk e zhbllokojnë rrugën në Rudare që çon në Jarinje të Leposaviqit, por,komandanti i KFOR-it, Erhard Buhler, të premten vonë në mbrëmje i ka paralajmëruar ata.
Një turme e madhe e serbëve kanë mbajtur të bllokuar edhe të premten rrugën në fshatin Rudare që çon në pikën kufitare 1, duke mos lejuar as KFOR-in të kalojë për të bërë furnizimin e ushtarëve, që ndodhen në kufi.

Gjenerali Byhler ka thënë se kësaj radhe u tërhoqën për hir të paqes dhe qytetarëve, porse nuk do të ketë “një herë të dytë”, dhe paralajmërimi i tij ka ardhur nga ura mbi lumin Ibër në Mitrovicë, ku ka mbajtur një konferencë.

“Më në fund vendosa që mos ta vazhdojmërrugën, sepse ndërkohë janë mbledhur aq shumë radikalë dhe ekstremistë. Disaherë ka pasur edhe të shtëna mbi konvojin dhe pasi që nuk kemi pasur mundësi tëbëjmë dallimin në mes radikalëve dhe qytetarëve të rëndomtë të cilët kanë pasurpër qëllim të protestojnë, në mënyrë të qetë, për hirë të paqes vendosa të moskalojmë në dhunë, andaj jemi tërhequr, mirëpo ju bëra të qartë se herën e dytënuk do ta kemi më. Pra herën e dytë do të kalojmë, ndërsa përgjegjësitë atje mabënë me dije se KFOR-i do të kalojë dhe kjo vlen prej nesër", tha Byhler.

Sipas gjeneralit gjerman, në veriun e Kosovës e premtja ka qenë e qetë, dhe se KFOR-iështë duke i mbajtur pikat kufitare në Jarinje të Leposaviqit dhe Bërnjak tëZubin Potokut.

Makinave të rënda u janë ndaluar hyrje-daljet nga Kosova për në Serbi dhe anasjelltas,ndërsa nëpër këto pikëkalime, për shkaqe humanitare KFOR-i do të lejojë kaliminvetëm të automjeteve të vogla dhe personave.

Komandanti Byhler, i cili gjatë gjithë kësaj kohe ka zhvilluar takime me serbët, ka thënëse kërkesat e tyre janë të natyrës politike.

“Këto janë çështje politike, si çështja e pavarësisë dhe doganave dhe këto vërtetë janë çështje politike që duhet të zgjidhen përmes bisedimeve dhe jam i sigurt se kjo do të ndodhë gjatë ditëve të ardhshme”, tha Byhler.

Sipas ushtarakutgjerman Qeveria e Kosovës, ajo e Beogradit dhe BE-ja duhet ta dinë se në këtë pjesë të Kosovës do të kthehet siguria, qetësia dhe paqja.