Kërkon divorcin nga gruaja se ishte e shëmtuar, fiton

Një banor në Kinën Veriore, Jian Feng, ka kërkuar divorcin nga gruaja e tij dhe një dëmshpërblim prej 120 mijë dollarësh, të cilin e ka marrë, për shkak se ajo ishte shumë e shëmtuar. Feng kishte rëndë në dashuri me gruan dhe më pas u martuan. Pamja e saj ishte mahnitëse dhe çdo gjë ishte si në përrallë, deri në momentin kur gruaja lindi një vajzë. Feng ishte tmerruar kur kishte parë fëmijën, që edhe pse gjithnjë janë si engjëj, në këtë rast ishte tmerrësisht e shëmtuar. Kështu ai kishte kërkuar sqarime nga e shoqja, përse fëmija nuk u ngjante asnjërit prej tyre. Nën frikën se varianti i një tradhtie ishte më i dhimbshëm, gruaja vendosi t’i thotë të vërtetën, se ajo kishte qenë shumë e shëmtuar dhe kishte bërë një sërë operacionesh plastike për të arritur pamjen që gëzonte sot. Feng kërkoi menjëherë divorcin nga gruaja e tij me akuzat se ajo ishte martuar me të nën rrethana false! Ai e fitoi sasinë e parave të kërkuar si dëmshpërblim, të 120 mijë dollarët, dhe sigurisht mori edhe divorcin. Gruaja kishte kryer operacione plastike me vlerë 100.000 dollarë në Korenë e Jugut, ku me sa duket kirurgët qenkan shumë të talentuar.

www.panorama.com.al