Bëri tatuazh të gjitha vrasjet

Vrasësi Anthony Garcia nga Kalifornia, i cili ishte burgosur pasi kishte bërë tatuazh vendin e krimit, si edhe të gjitha krimet dhe vrasjet e tij, ka vazhduar ta thyejë ligjin edhe nga burgu.
Gjatë kohës që po qëndron në burg, familjarët e tij kanë përfituar rreth 30.000 dollarë nga beneficionet e të papunëve.

Familjarët dhe miqtë e tij kanë marrë nga 1.600 dollarë në muaj dhe një pjesë të parave ia kanë deponuar në llogarinë e tij të burgut, ndërsa pjesën tjetër e kanë ndarë nëpër llogaritë e shokëve të tij në burg.

Për këtë rast, policia ka arrestuar babanë e tij, Juan Garcia (47 vjeç), si dhe dy të dashura, Sandra Jaimez (45 vjeçe) dhe Cynthia Limas (25 vjeçe).26-vjeçari Garcia, anëtar i grupit “River-13”, është akuzuar për vrasje të rivalit të tij- ndërsa të gjithë planin e vrasjes e kishte të vizatuar në trup.

Policia e kishte arrestuar atë si pasojë e një vjedhjeje dhe më pas duke shikuar trupin, e kishin kuptuar se aty ishte plani i kësaj vjedhjeje. Duke hulumtuar më shumë, policia ka zbuluar edhe krimet më të rënda që i kishte bërë Garcia.

“Është e pabesueshme që secilin krim dhe vrasje e ka bërë tatuazh në trupin e tij. Dëshmitë i kemi pasur aty, po nuk i kemi kuptuar”, ka thënë një polic. /Telegrafi/