Kathimerini”: Rama, Tadiq dhe Samaras janë vllahë

Gazeta greke “Kathimerini”, në një shkrim të së premtes, të titulluar “Propaganda me vllahët”, shkruan se kryetari i Partisë Socialiste të Shqipërisë, Edi Rama, presidenti i Serbisë, Boris Tadiq dhe kryetari i Partisë Demokracia e Re, Antonios Samaras janë vlleh.

Si transmeton gazeta Start, në shkrim paraqitet shqetësimi i Rumanisë për të njohur pakicat vllahe në vende të ndryshme të Ballkanit, midis të cilëve edhe në Serbi, pak ditë më parë, dhe në Shqipëri vitin e shkuar.

Gazetari Nicholas Mertzos shkruan se 40 vjetët e fundit, vllahët kanë marrë bursa të shumta dhe privilegje të tjera në vendet e Ballkanit thjesht për shkak të origjinës së tyre. Por, siç thuhet, nëse në Greqi përpjekjet e vllahëve kanë dështuar disi, në Shkup dhe në Shqipëri ka ndodhur e kundërta.

Më tej thuhet se Gadishulli Ballkanik është një zonë kritike dhe gjeopolitike, sepse ajo është korridori strategjik për depozitat e Kaspikut dhe kontrollon sigurinë e energjisë së BE-së, dhe se tubacionet e gazit nëpër vendet e Ballkanit shmangin Rusinë. Sipas shkrimit, në vendet e Jugosllavisë, më vonë në Austri dhe Hungari, vllahët mitikë kanë fituar pasuri të mëdha, banka të fuqishme, pallate dhe titujt e fisnikërisë në shtëpinë perandorake të Habsburgut.

Në shkrim përshkruhet gjerësisht roli dhe ndikimi i vllahëve në rajonin e Ballkanit përgjatë shekujve të fundit. “Për shembull, vllahët modernë në Ballkan ishin ministri i Jashtëm i Jugosllavisë Koça Popoviq dhe kryeministrin Hari Kostov në Shkup. Me rrënjë vllahe në Serbi janë edhe presidenti aktual Boris Tadiq, në Shqipëri kreu i opozitës Edi Rama dhe në Greqi kryetari i Nea Demokratia, Antonis Samaras”, skruan Kathimerini.

...Ndaj me bente cudi menyra e te folurit te tyre!