Mbrëmë, dy maqedonas të rrahur

Dy incidente të reja janë regjistruar mbrëmë në Shkup, mirëpo në të shumtën e rasteve ato janë plasuar vetëm nga mediet maqedonase, raporton agjencia e lajmeve Ina.

Në një incident, që ka ndodhur në lagjen Debar Mahalla, është sulmuar një 15 vjeçar maqedonas, derisa po dilte nga një internet kafe në rrugën “Orce Nikollov”.

Në këtë incident, sipas medieve maqedonase, sulmues ka qenë një shqiptar. MPB-ja e ka regjistruar rastin, mirëpo nuk ka njoftuar asgjë lidhur me këtë.

Incidenti tjetër ka ndodhur në lagjen Gjorçe Petrov, ku, siç thuhet, një 66 vjeçar është sulmuar nga një grup të rinjsh që, prapë sipas medieve në maqedonisht, sulmues kanë qenë disa të rinj shqiptarë. Ata thuhet të kenë rrahur të moshuarin me shkopinj druri, bokse hekuri dhe gjësende tjera të forta.