Princi Harry: Druaj se nuk do e gjej kurrë dashurinë

Londër, 14 mars 2012, NOA- Princi Harry ka frikë se nuk do e takojë kurrë shpirtin e tij binjak ndërsa druan se në dallim nga vëllai i tij William, jeta e tij rozë nuk do ketë kurrë një fund të lumtur.

Në një intervistë për një televizion amerikan Princi u tregua i sinqertë dhe pranoi se pozicioni i tij i ngarkuar me detyra zyrtare është kthyer në një pengesë të vërtetë për gjetjen e dashurisë së vërtetë.

Siç raporton noa.al, Harry vijoi më tej duke thënë se tani që po u afrohet të 30-ve, është i shqetësuar që nuk ka ende një grua në krahun e tij, ndërsa ka shtuar se nëna e tij Princesha Diana është ende frymëzimi i tij më i madh.

“Të jesh Princ nuk është aq e bukur sa duket”, ka thënë Harry.

Lidhja e fundit e rëndësishme që Harry ka patur ka qenë ajo me Chelsy Davy që zgjati 5 vjet por që përfundoi në vitin 2009, kur biondja Chelsy i tha se nuk dëshironte një jetë me impenjime zyrtare.

a.y/noa.al

mos bej kshu edhe ti or cun ...ja shiko tetate se kur gjeti ai nje me te mire se Diana do e gjesh edhe ti nje