Papa Benedikti dhe dhuratat

Papa Benedikti XVI ka vendosur të kthejë në një kopsht zoologjik të Kubës një këlysh krokodili që i ishte dhuruar nga një fondacion. Lajmin e kanë komunikuar bashkëpunëtorët e Atit të Shenjtë, të cilët kanë deklaruar se kisha do të respektojë gjithmonë natyrën. Krokodili i përket një race që është në rrezik zhdukjeje dhe ka kaluar një sërë aventurash para se të kthehet në tokën e origjinës. Në vjeshtën e kaluarai u sekuestrua nga Policia Pyjore italiane në shtëpinë e një biznesmeni që e mbante kafshën ilegalisht. Më pas zvarraniku iu besua Fondacionit Bioparco, që u kujdes për shëndetin e tij dhe më pas ia dhuroi atit të shenjtë. Por ky i fundit vendosi t’i kthejë krokodilit të vogël lirinë./tch/ Burimi i lajmit: /rtvfan.net/