Automjeti I Parë Fluturues Del Në Shitje

Automobili i parë fluturues me emrin Aerocar, i krijuar në vitin 1954, ka dalë në shitje në Shtetet e Bashkuara të Amerikës për një shumë prej 1.3 milion dollarësh.

Nga kompania Courtesy Aircarft në Illinois shpresojnë se shitja do të shkojë mirë dhe besojnë se ende ka koleksionues, të cilët do të shpenzonin para për një automobil të tillë fluturues.Shefat e kompanisë thonë se nevojiten disa kontrolle teknike, sepse kontrolli i fundit i është bërë para 14 vitesh, megjithatë ata janë të bindur se Aerocar mund të fluturojë sërish, përkundër se nuk ka qenë në ajër qe një kohë të gjatë.

Në automjetin e parë fluturues mund të qëndrojnë dy persona. Motori ka 150 kalë-fuqi dhe mund të zhvillojë shpejtësi prej 150 kilometrash në orë.