Rusi, punëtorët restauronin hotelin, zbulojnë thesarin

Fri 30 Mar 2012 - 9:32

SHËN-PETERSBURG - Disa punëtorë kanë zbuluar sot një thesar me sende argjendi gjatë punimeve për restaurimin e një hoteli të veçantë të shekullit XVIII në Shën Petërburg, ish-kryeqyteti i Rusisë perandorake, njoftoi policia lokale.

"Thesari u zbulua nën dyshemenë e një dhome të vogël, që nuk ishte në planimetrinë e kësaj ndërtese të vjetër, që i përkiste familjes aristokratike Narishkin", deklaroi burimi.

Ekspertë u dërguan në vendngjarje për të përcaktuar vlerën e objekteve të zbuluara. Sipas mediave lokale, më tepër se 1 000 lugë, pirunj dhe çajnikë në 40 çanta përbëjnë këtë thesar. Të gjitha mbajnë vulën e familjes së princave Narishkin.

Objektet ishin fshehur ndoshta në vitin 1917, pasi gazeta të këtij viti u gjendën në dhomën e fshehur. Princat Narishkin, pronarët e hotelit, u larguan nga Rusia pas Revolucionit bolshevik në nëntor 1917. Koleksioni i tyre të veprave të artit është ekspozuar sot në muze të ndryshëm.
(el.me/BalkanWeb)