Më inteligjent se Ajnshtajni, pastron dritare

Stiv Borlas nga Uarminster është njëri nga njerëzit më inteligjent në Britaninë e Madhe, me koeficientin e inteligjencës IQ 180, ndërsa punon si pastrues dritaresh.
Për të thonë se është më inteligjent se Albert Ajnshtajni, duke qenë se që nga mosha pesëvjeçare i ka zgjidhur detyrat e komplikuara matematikore.
"Në moshën pesëvjeçare jam rrëzuar në park dhe diçka ndryshoi tek unë. Qëkur jam rrëzuar në kokë, kam qenë në gjendje të zgjidh detyrat më të rënda aritmetike. Punoj si pastrues dritaresh, por do të më pëlqente që dikush të ma jepte rastin të tregoj se çfarë di me numrat", tha ai.
Koeficienti i tij i inteligjencës është më i lartë sesa IQ i Albert Ajnshtajnit, Stefen Haukingut dhe Karol Vordermanit.