Shkup, qeveria bojkot Topallit në fjalimin zyrtar në Kuvend

Qeveria maqedonas ka bojkotuar kryetaren e Kuvendit të Shqipërisë, Jozefina Topalli gjatë fjalimit në seancën e Kuvendit e Maqedonisë. Sikundër shihet edhe në videon që shoqëron këtë lajm në sallën e parlamentit, gjatë kohës kur ka mbajtur fjalën përshëndetëse kryeparlamentarja shqiptare nuk ka qenë as kryeministri Nikolla Gruevski dhe asnjë prej ministrave maqedonas në kabinetin qeveritar. Fjala e Topallit është ndjekur në sallë vetëm nga ministri i drejtësisë Blerim Bexheti dhe 4 zëvendësministrat, gjithashtu shqiptarë: zv.kryeministrja Teuta Arifi, zv.kryeministri Musa Xhaferri, zv.ministri i arsimit Safet Neziri si edhe zv.ministri i brendshëm, Xhelal Bajrami. Të gjithë përfaqësuesit e politikës shqiptare në Maqedoni ishin ulur në rreshtin e parë të vendeve në parlament, ku gjithashtu merrnin pjesë edhe ambasadori i Kosovës dhe ai i Shqipërisë në Maqedoni. Zyrtarisht Kuvendi i Shqipërisë nuk ka dhënë asnjë shpjegim për këtë bojkot.

Burimet zyrtare pranë delegacionit që shoqëronte kryeparlamentaren Topalli gjatë vizitës zyrtare në Maqedoni, thanë se Topalli nuk u interesua për komunitetin katolik shqiptar te Shkupit, të cilët po asimilohen. Ata kërkojnë një prift, sepse prifti katolik që kanë është maqedonas./Shqiptarja.com

Mir na e bejn keto maqedont... ngase na kaq ekemi mendjen ..Ivetmi Shtet qe eka pranuar me gjitha. me emer, me flamur me fe, me gjuh eshte Shteti shqipater . dhe me pastaj kur shkon ndonji maqedon atje epresin ashtu sic duhet (po kjo eshte e mire se na kemi mikpritje bujare ) kurse maqedoncit luajn me na. se kan gjet....