Amaneti i Vesa Lumës

Wed 28 Apr 2010 - 14:17

Ndoshta është herët për të folur për amanete, megjithatë duket se këngëtarja e suksesshme nga Kosova, Vesa Luma e paska një të tillë.
Pas baladës “Edhe një fundvit”, e cila u prezantua në kanalet muzikore në fund të vitit 2009, këngëtarja tashmë ka vendosur të vijë me një këngë të re. Por, ndryshe nga performanca e fundit, këtë herë siç thuhet, këngëtarja Luma do të vijë me një këngë ritmike.
Aq më tepër që kjo këngë do të dalë në tregun muzikor pikërisht këtë prag vere. Këngëtarja ka realizuar tashmë këngën dhe ka nisur punën për klipin. Një foto prej xhirimeve të tij po ua zbulojmë edhe fansave të Lumës.