Α përgjohet telefoni juaj?

Pas skandaleve të fundit të përgjimit të bisedave telefonike në Britani, shumë prej jush mund të dyshojë se edhe telefoni juaj mund të ketë të njëjtin fat.

Ndonëse e paligjshme pasi konsiderohet si shkelje e jetës private, falë teknologjisë moderne, çdokush mund dëgjojnë bisedat tuaja telefonike.

Sot kjo nuk është vetëm provilegj i spiunëve dhe agjencive sekrete shtetërore. Fatmirësisht ka mënyra për të zbuluar nëse ju përgjojnë.

Më poshtë mund të gjeni disa shenja që ju vërtetojnë përgjimin:

Kontrolloni kohëzgjatjen e baterisë së telefonit tuaj. Bateria e telefonit celular përdoret në rastet e dërgimit të SMS-ve apo informatave me zë, ose gjatë aktivizimit të mikrofonit pa kabllo. Nëse qëndrueshmëria e baterisë zvogëlohet në mënyrë drastike sesa në rastet e zakonshme, madje edhe pas vendosjes së baterisë së re, telefoni juaj mund të përgjohet.

Kontrolloni temperaturën e telefonit tuaj celular. Gjatë përdorimit bateria nxehet, ndërsa nëse ju nuk e keni përdorur telefonin celular dhe bateria është e nxehtë, atëherë kjo lë të kuptohet se telefoni po shfrytëzohet pa njohurinë tuaj.

Ndiqni “sjelljen” e çuditshme të telefonit. Nëse celulari juaj fillon befasisht të ndalet dhe rifunksionon vetvetiu ose ju nuk mund ta ndalni, atëherë mund të ndodhë që dikush tjetër “shërbehet” me telefonin tuaj.

Kushtoni rëndësi mesazheve të koduara. Nëse merrni një mesazh – tekst në formë kodi me shifra dhe simbole në vend të fjalëve, ky mund të jetë tregues i tentimit të transmetimit të të dhënave nga personi i tretë.

Dëgjoni zërat në prapavijë kur jeni duke biseduar. Jehona ose ‘klikët’ mund të shkaktohen nga pengesat në transmetimin e të dhënave, sinjaleve ose zërit, por shkaktar mund të jetë edhe pajisja të cilën një i tretë e përdor për përgjimin e telefonit tuaj celular.

Kushtoni vëmendje impulseve. Nëse vëreni se keni shpenzuar diçka më tepër se zakonisht, ndërsa ju nuk e keni përdorur telefonin, atëherë dikush tjetër e shfrytëzon telefonin tuaj.

nganjher degjoj zerin tim mrapsht...por esht normale...pastaj se kam nr ne emer tim...

ekam verejt qe PO..