Nuk i jep kafe një afrikani, dënohet banakieri

Denoncohet në polici me akuzën e racizmit dhe dënohet me një gjobë administrative të lartë. Kjo pasi refuzoi t’i shërbejë një kafe, një klienti nga Afrika e Veriut.

Ngjarja aspak e rrallë ka ndodhur në qytetin Padova të Italisë, ndërsa i ndëshkuari është Lorenzo Pistore, përgjegjës i një lokali.

Gjendja duket se bëhet edhe më e rëndë për të, pasi ka ndodhur në mëngjesin e të dielës, kur ka qenë edhe festa e Pashkëve për italianët.

Në të tilla kushte, karabinierët e kanë cilësuar si mjaft të

rëndë refuzimin që klientit afrikan i është bërë nga baristi italian.

Ky i fundit, është mbrojtur para policisë duke thënë se kishte vendosur të mos u shërbente më konsumatorëve të Afrikës Veriore, pas mjaft sjelljeve jo të hijshme që ai pretendon se ata kanë bërë së fundmi në lokalin e tij.

e.t/NOA