Ka një kryeqytet, ku autobusët publikë janë falas

Udhëtim në autobus pa shpenzuar as edhe një Euro të vetme? Po, është e mundur. Në një qytet evropian, i cili mban emrin Talin dhe që në fakt është kryeqyteti i Estonisë.

Në fakt, ky shembull që vjen nga Balltiku, nuk është i rrallë, pasi njihet të ketë ekzistuar edhe më parë në histori.

Kështu, ofrimi i shërbimit falas në autobusët publikë, ka nisur të ofrohet në qytetin belg të Hasselit në vitin 1997.

Për t’u ndjekur më pas (edhe pse jo për të gjitha linjat), nga qytete të tilla si Seattle dhe Portland në SHBA, Calgary në Kanada dhe Melburn e Sidnei në Australi.

Por kritikët e një shërbimi të tillë, pohojnë se ky eksperiment i kryer në të kaluarën në qytete të tjera të mëdha amerikane, ka treguar rritje të mëdha të akteve të vandalizmit në transportin publik, ndoshta për shkak të mungesës së çdo lloj kontrolli.

e.t/NOA