Dalin në shitje dy foto nudo të John Lennon dhe Yoko Ono

Fotografitë e ish liderit të Beatles John Lennon dhe partneres së tij, Yoko Ono të përdorura për ballinën e albumit të tyre të vitit 1968: Unfinished Music No 1: Two Virgins, do të dalin në shitje në një ankand.
Janë dy foto të cilat tregojnë nudo dy partnerët, njëra një foto qe tregon çiftin nga para dhe tjetra nga mbrapa.
Poseduesi i fotove ka zbuluar ato në papafingon e shtëpisë së nënës së tij të ndjerë në Dorset, por nuk ka asnjë ide se si janë gjendur aty ato foto.
Fotografitë do të dalin në ankand nga “Duke” në Dorchester, të Dorset më 12 prill, me një vlerësim para shitjes deri në 700 paund.
Përfaqësuesi i shtëpisë së ankandeve “Duke” Mateu Denney, tha se askush nuk e di se si kanë ardhur fotografitw deri në Dorset.
“Shitës i gjeti ato në papafingon e shtëpisë së nënës së tij, pasi ajo vdiq, dhe ai nuk ka ide se si ato kanë ardhur deri aty”.