Cameron Diaz: Do të adoptoj një fëmijë

Cameron Diaz ka shprehur dëshirën e saj për tu bërë nënë në një intervistë për revistën ‘InStyle’.

Por, aktorja bjonde nuk dëshiron të mbetet shtatzënë, kështu që do të zgjedhë alternativën e adoptimit.

“Kurrë nuk kam thënë që nuk dua fëmijë, thjesht nuk dua tani. Nuk e di se çfarë do të ndodhë në të ardhmen, por është pothuajse e sigurtë që do të adoptoj një fëmijë… ose lidhem me dikë që ka fëmijët e tij”, thekson Diaz.

39-vjeçarja ka qenë e lidhur me aktorët Matt Dillon, Jared Leto apo edhe me këngëtarin/aktor Justin Timberlake, por ende nuk ka gjetur rehatinë në jetën personale.