Krijohet Organizata e Gruas Emigrante në Markopulo,Athinë

KRIJOHET ORGANIZATA E GRUAS EMIGRANTE NË MARKOPULO,ATHINË


“Asnjëherë nuk është vonë” thotë populli dhe kjo duket se ka ndikuar edhe tek…
gratë emigrante,të cilat kanë filluar të krijojnë organizatat e gruas në Greqi.
Gjatë ditës së shtunë,në qytetin e Markopulos,Atiki,gratë emigrate zgjodhën kryetaren e tyre dhe krijuan organizatën e gruas shqiptare në këtë qytet.
I pranishëm për të përshëndetur ka qenë edhe kreu i Shoqatës së Punëtorëve Dega Athinë ,Shpëtim Beqiraj,i cili në fjalën e tij tha se ” jemi krenarë për këtë organizim kaq të madh të grave emigrante,të cilat edhe pse punojnë gjithë ditën në punë dhe gjatë pasdites bëjnë punët e shtëpisë,këto gra gjejnë kohën që të bashkohen me njëra-tjetrën dhe të shkëmbejnë mendimet e tyre për temat që i shqetësojnë” ka thënë Beqiraj.
Krytare e Organizatës së Gruas në Markopulo u zgjodh 28-vjeçarja emigrante Rezarta Vela nga Gjirokastra,nënë e dy fëmijëve,ndërsa nënkryetare u zgjodh Elisabeta Hyrja nga Fieri,nënë e një një fëmije.
Në fjalën e saj kryetarja Rezarta Vela tha se ” do të përpiqemi të jemi sa më afër me njëra-tjetrën për të zgjidhur sa më shumë nga problemet e shumta që na shqetësojnë,sepse vetëm të bashkuara mund të fitojmë të drejtat tona”.

I pranishëm ka qenë edhe kreu i Shoqatës “Shqipëria”, Ilirian Dhima,i cili premtoi se do të japë kontriburin e tij për të mbështur nismën e organizmit të gruas emigrante në Greqi.

Zgjedhjet për organizatën e Gruas në Markopulo u bë në shtëpinë e mësueses të gjuhës shqipe në këtë qytet zonjës Anila Hasanaj