Një mijë fytyrat e Frankfurtit

Frankfurt, 22 prill 2012, NOA- Në Gjermani dhe konkretisht në Frankfurt i quajtur ndryshe Manhatani i Gjermanisë spikasin pamjet që e bëjnë qytetin e 1 mijë fytyrave.Siç raporton agjencia e lajmeve noa.al, duke nisur nga monumentet historike te arkitektura ultramoderne, gjithë ata që duan ta vizitojnë kanë mundësi ta shijojnë në çdo stinë.Nëse dikush e viziton në Tetor, Frankfurti do i presë me panairin e librit, nëse dikush do të shijojë pranverën gjermane nga 5-12 maj i pret shija tradicionale në Festivalin e Salcës Jeshile.

Me nisjen e pranverës Frankfurti mbushet nga lulet aromatike dhe nga këtu lind edhe salca e cila përbëhet nga 7 bimë aromatike, festë e cila kremtohet çdo vit.

Mësohet se çdo ditë shefa të ndryshëm të kuzhinës marrin pjesë në konkurs për të gatuar salcën sipas versionit të tyre dhe më pas u ofrohet të pranishmëve dhe jurisë së përzgjedhur.

Por gjatë vizitës në Frankfurt nuk duhet harruar të vizitohet qendra historike dhe katedralja e Perandorit Municipio Römer, simboli absolut i qytetit dhe në vijim të vijohet me 26 muzetë.

Ndërkaq të pasionuarit e natyrës kanë mundësinë të vizitojnë një nga 50 parqet e vendosura në zona të ndryshem të qytetit.

Në bazë të klasifikimeve të fundit thuhet se Frankfurti është një nga qendrat urbane më jeshile të Gjermanisë me rreth 3 mijë lule të ndryshme.

a.y/noa.al

Gjithashtu Frankfurt am Mein eshte kryeqyteti i Ekonomise Europiane dhe i Ekonomise Gjermane, pikerisht ne Frankfurt jane dy banka shume te rendesishme europiane ajo e Europes dhe Bundesbank .
Frankfurt dallohet si nje nga qytetet me te rendesishme te Editorise se Gjermane pas Leipzig, qytetit lindor ne te cilin ndodhet universiteti i dyte me i vjeter i Gjermanise.