Belen Rodriguez pranon: Nuk jam më me Fabrizio Coronën

Romë, 22 prill 2012, NOA- Belen Rodriguez dhe Fabrizio Corona, më shumë se një çift kanë qenë një burim thashethemesh, ku pas tre vitesh dashuri, skandale gjyqësore, zënka publike, pajtime dhe puthje çdo gjë e fotografuar, tashmë lidhja mes tyre ka përfunduar.

Siç raporton noa.al showgirli ka pranuar për mediat italiane se historia mes saj dhe fotografit Fabrizio ka përfunduar ndërsa shton se është vërtetë e lumtur.

“Kishte kohë që nuk isha kaq e qetë”, shprehet Belen.

Por duket se lumturia e saj buron nga balerini Stefano de Martino, i cili deri pak ditë më parë ishte i lidhur me këngëtaren Emma Marrone me të cilin duket se Belen ka gjetur shkëndijën e re të dashurisë.

a.y/noa.al