Video intime, Belen Rodriguez: Ish-i im ishte një maskara

MILANO – Bukuroshja Belen Rodriguez rrëfen detaje të jetës së saj private në një intervistë ekskluzive për ‘Vanity Fair’. Rrëfimi u fokusua kryesisht në thashethemet e fundit të përhapura në media lidhje me shtazëninë e saj.

“Çfarë kam bërë që të duroj gjithë këtë dhunë psikologjike ndaj meje? Ma shpifin ata që nuk më besojnë dhe që mendojnë se kam përhapur me qëllim një lajm të rremë shtatzënie dhe më pas abortin, për t’i bërë vetes publicitet.”- shprehet Rodriguez, e cila është e lidhur prej disa muajsh me mbretin e paparacëve në Itali, Fabrizio Corona.

Në lidhje me imazhet e momenteve intime të publikuara në internet nga ish i dashuri i saj, Belen shprehet: “Të turpërohem nuk është në natyrën time, por pas publikimit të videos mu desh pak kohë që t’i shikoja sërish njerëzit në sy. Të dukem sensuale dhe të pozoj nudo nuk është një problem për mua, por seksi është diçka tepër intime. Isha e re, pa eksperiencë dhe ish i dashuri im ishte një maskara. Gabimi ishte mosha ime e re jo fakti që kisha pranuar që ato momente të filmoheshin. Edhe kur jam në momente intime me të dashurin tim Fabrizio Corona shpesh fsheh një telekamer për të regjistruar momentet kur jemi bashkë. Nuk ka asgjë të keqe.”- vijon Rodriguez.

(er.nu/BalkanWeb)