Prokuroria heton për pedopornografi, Belen: Video? Më kërkuan 500 mijë euro

Prokuroria e Milanos është duke hetuar videon me “drita të kuqe” të Belen Rodriguez dhe ish-të fejuarit të saj argjentinas. Hetimi është motivuar si abuzim seksual me të mitur për shkak se Belen në atë kohë presupozohet se ishte në moshën 17 vjeçare. Më herët edhe një tjetër hetim ishte nisur për këtë çështje në momentin kur Belen u paraqit para policisë për të denoncuar marsin e vitit 2010 kërcënimin me publikimin e videos ose pagesën e 500 mijë eurove. Prokurori i Milanos Luigi Luzi dhe skuadra e policisë së Milanos po hetojnë për të bërë identifikimin e personit që ka kërkuar paratë dhe që ka bërë më pas ngarkimin në internet dhe publikimin e videos.