Misteri, foto që dëshmon një udhëtar në kohë? (FOTO)

Kanada, 24 prill NOA-Fotoja vjen pikërisht nga një muze në Kanada, në seksionin që përmban "Kujtimet e Komunitetit" të popullsisë së Gold Bridge (British Columbia), e cila u godit nga një shpërthim në nëntor të vitit 1940. Kur ndodhi shpërthimi ura South Fort Bridge u shkatërrua.

Në një foto (klikoni foton), me sa duket e vitit 1941, marrë në ditën e përurimit të urës së re është një turmë e ngazëllyer për ngjarjen. Por një "alien" (në kuptimin e çuditshëm që rrethon ambientin) është në anën e djathtë të fotos: një djalë me syze moderne, me një aparat fotografik që duket se është i ditëve të sotme dhe me një bluzë të stampuar gjysmë mbuluar nga një xhaketë.

Shumë kanë shtruar pyetjen: të jetë një "udhëtar në kohë?",

Disa thonë se kjo foto është dëshmi se ka udhëtarë të kohërave, dhe se njeriu në foto është vetëm një lloj specie i një turisti kohor, kapur rastësisht në një nga ekskursionet e tij. Ndërsa të gjithë janë në fakt me kostum dhe kravatë, ose të veshur mirë, personi X duket si një njeri i kohës sonë, veshur në një mënyrë rastësore.

Përkrahësit e teorisë së udhëtimit në kohë thonë se nuk përdoreshin syzet e errëta në vitet '40, se bluzat e stampuara janë moderne për atë kohë dhe theksojnë faktin se kamera është një model i epokës sonë.

k.a./noa.al