Reklama provokative e biskotës më të shitur në botë

Një reklamë e prodhuesit të famshëm të biskotave, Oreo, e cila kishte sloganin “Biskota më e mirë për qumështin”, ka shkaktuar shumë debate dhe zemërim pasi në të shfaqet një bebe që pi gji me një biskotë të tillë në dorë. Cështja madje ka shkuar deri në gjykatë ku kërkohej heqja e saj pasi ishte joetike dhe shumë provokative. Por Kraft Foods, kompania e cila ka në pronësi Oreo-n, është shprehur se fotoja nuk ishte bërë për tu shfaqur apo ekspozuar. Sipas saj ajo do të përdorej vetëm njëherë, gjatë një forumi reklamash.Kjo gjë u arrit edhe nga konkluzioni i gjykatës i cili hodhi poshtë edhe akuzat se reklama është përdorur në Korenë e Jugut.Oreo është biskota më e shitur në mbarë botën që I sjellë kompanisë rreth 1.5 miliard dollarë të ardhura në vit. Ajo u prodhua për herë të parë në Nju Jork në mars të vitit 1912 dhe që atëherë shitet në mbi 100 vende.