Studimi: Mungesa e gjumit ndikon që adoleshentët të rrezikohen nga depresioni

Të dhëna nga 15.500 adoleshentë të moshës 13-18 vjeç studiuan kërkuesit e Qendrës Shëndetësore të Universitetit Columbia në Nju Jork. Nëpërmjet këtyre të dhënave, ata zbuluan se sa më shpejt të bien në gjumë adoleshentët, aq më pak janë të kërcënuar ndaj depresionit.
Konkretisht, u vërejt se ata që binin në gjumë pas mesnate, ishin 24% më shumë të kërcënuar për të vuajtur nga depresioni, në krahasim me ata që shkonin për të fjetur para orës 22:00. Gjithashtu, në rrezik janë edhe ata adoleshentë që nuk plotësojnë 8 orë gjumë, por flenë më pakë se 5 orë.

Ky studim u botua në revistën shkencore “Sleep”. Një tjetër e dhënë që doli prej tij ishte se për fëmijët shkojnë për të fjetur pas mesnate, ekziston 20% më shumë mundësia që të bëjnë mendime për vetëvrasjen, ndërsa e njëjta përqindje shkon në 48% për ata që flenë më pak se pesë orë gjatë natës.

Përkundrazi, adoleshentët që flenë orët e mjaftueshme, kanë 65% më pak mundësi të bien në depresion.

Sipas studiuesve, mungesa e gjumit mund të ndikojë në reagimet psikike, që përkeqësojnë gjendjen shpirtërore të adoleshentëve. /albobserver.com/