Euro 2012, Spoti hollandez: Mbajini burrat në shtëpi, joshen nga ukrainaset

Ministria e Jashtme në Ukrainë ka protestuar kundër një spoti televiziv i transmetuar nga hollandezet që fton gratë që të mos lejojnë burrat e tyre të shkojnë në Ukrainë për Euro 2012 sepse mund të joshen nga femrat e bukura të Lindjes.

‘Bëjni të qëndrojnë në shtëpi’ është titulli i klipit që është realizuar nga një shoqëri hollandeze pijesh.

Sipas reklames nëse meshkujt magjepsen pas saj ata do të preferojnë të qëndrojnë në shtëpi të shohin ndeshjet sesa të udhëtojnë në Ukrainë.

Po ashtu në spot shfaqet një grua që kërkon në internet me fjalët ‘grua nga Ukraina’ dhe shfaqen shumë të reja me kostume banje dhe në poza erotike. Ukraina e ka cilësuar këtë spot ‘poshtërues dhe diskriminues’. Ndërkohë që Ministria e Jashtme hollandeze s’ka bërë ende asnjë koment.