Drogë në diskotekë, prangosen dy shpërndarësit

Venezia, 1 maj 2012, NOA- Dy shqiptarë Denis Avduli 35 vjeç dhe Neim Avduli 23 vjeç të padënuar më parë, u ndaluan nga policia italiane gjatë kontrollit në parkingjet e diskotekave të frekuentuara nga të rinjtë, ku lulëzonte shpërndarja e lëndëve narkotike.

Siç raporton noa.al, efektivët e policisë kishin nisur një kontroll në lokalet e zonës së Venezia, ku në parkimin e lokalit “La Tapa” afroheshin, hynin dhe dilnin të rinj duke tymosur.

Duke vëzhguar për disa momente me radhë policia hyri në veprim ku gjeti duke shpërndarë drogë dy shqiptarët, të cilët u munduan të largoheshin me motor por tentativa e tyre dështoi, ndërsa iu bllokuan dhjetëra doza droge.

a.y/noa.al