Itali, operacionin kundër drogës me 50 të ndaluar, kapen shpërndarësit shqiptarë

Policia italiane realizoi sot një goditje të madhe ndaj trafikut të drogës duke vënë në pranga 50 persona në disa qytete të vendit. Aksioni i gjerë i policisë është shtrirë në qytetet e Bolonjës, Reggio Emilias, Udines, Comos, Tarantos dhe Modenas.
Mediat në Itali pohojnë se masat e arrestit janë lëshuar ndaj shtetasve të Afrikës së Jugut, emigrantëve shqiptarë dhe shtetasve italianë.
Gjatë aksionit janë konfiskuar 6 kilogram heroinë, 40 kilogramë hashash dhe 2 kilogramë kokainë. Sipas përgjimeve të prokurorisë, dyshohet se në bandë bëjnë pjesë 94 personashumë prej të cilëve janë arabisht-folës.
Sipas të dhënave të policisë, shtetasit shqiptarë të arrestuar akuzohen se kanë kryer shpërndarje droge kryesisht në qytetin e Parmës.