Trafiku i drogës nga Spanja, arrestohen në Itali 14 shqiptarë nga Kosova

Policia italiane realizoi sot arrestimin e 14 personave, shtetas shqiptarë kryesisht nga Kosova të cilët akuzohen për trafik narkotikësh në kuadër të dy organizatave kriminale.
Sipas mediave italiane shtetasit shqiptarë që ranë sot në pranga janë akuzuar se kanë trafikuar 15 kilogramë marihuanë dhe kokainë. Tre anëtarë të grupit kriminal mësohet se nuk janë arrestuar ende.
Hetimi për këtë çështje filloi më 15 shkurt 2010, kur në prangat e policisë ranë 21 trafikantë droge.
Sipas policisë, të arrestuarit ishin përgjegjës për marrjen në zotërim të drogës që vinte nga Spanja dhe shpërndarjen e saj më pas në disa zona të Italisë.
Gjatë shtatë muajve hetime, policia ka sekuestruar 27 kilogramë marihuanë.