Itali, dy shqiptarë arrestohen me 17 kg drogë

Një aksion i policisë italiane në qytetet Pescara dhe Macerata, përfundoi me arrestimin e tre trafikantëve të drogës dhe konfiskimin e 17 kilogramëve hashash.
Policia tha se dy shqiptarë ranë në pranga, Fatjon Dule, 26, dhe Avenir Berdica, 31 të cilët u kapën së bashku me një shtetas italian, Massimo Taibi, 34, lindur e Canicattì (Agrigento). Policia ka bërë të ditur se të tre të arrestuarit janë dërguar në stacionin e paraburgimit Civitanova.
Policia i filloi hetimet një ditë më parë në Pescara. Vëmendja e policisë është tërhequr nga shtetasi shqiptar Avenir Berdica që u pa nga policia teksa fliste me një blerës të lëndës narkotike.
Shtetasi shqiptar u ndoq nga policia italiane derisa u pa të zbriste nga treni me një valixhe ku u gjet edhe sasia e lëndës narkotike. Brenda në çantë, sipas policisë janë gjetur 17 kg hashash, vlera e të cilave është rreth 50 mijë euro.