Itali, katër shqiptarë arrestohen me 53 kilogramë drogë në Trieste

TRIESTE – Lajmifundit – Katër shtetas shqiptarë u arrestuan sot gjatë një aksioni antidrogë të policisë italiane.
Mediat në vendin fqinj raportojnë se prokuroria lokale e antimafias ka çmontuar një oirganizatë kriminale të drogës.
Veprimet operacionale të policisë mundësuan bllokimin e një sasie prej 53 kilogramë drogë në Venecia pasi lënda narkotike ishte nisur nga Veneto.
Gjatë aksionit policia tha se ka bllokuar drogën me vlerë 160 mijë euro dhe më tej ka sekuestruar edhe dy automjete, telefona celularë dhe një sërë mjetesh të tjera.