Kapshticë, dy persona arrestohen me 5 kilogramë drogë

Dy persona po udhëtonin drejt Greqisë në momentin kur policia i ndaloi për kontroll dhe më pas i arrestoi për mbajtjen e 5 kilogramëve drogë kanabis sativa.
Operacioni i koduar “Mulliri” i ka çuar dy “udhëtarët” në prangat e policisë, pasi janë kapur me 5 kg kanabis sativa, me destinacion Greqinë.
Drejtori i policisë së qarkut të Korçës në një konferencë për median tha se arrestimi u bë pranë doganës së Kapshticës, në momentin kur dy personat po bëheshin gati për të kaluar në tokën greke.