Tiranë, dy të arrestuar me 1.5 kilogramë drogë

TIRANE – Lajmifundit – Dy persona janë arrestuar ndërsa një i tretë po procedohet penalisht në gjendje të lirë pas kapjes me 1.5 kg drogë marihuanë. Policia tha se në kuadër të një operacioni policor të realizuara nga strukturat antidrogë, u realizua arrestimi në flagrancë i shtetasve : Marsel Alfred Varka, 21 vjeç, banues Tiranë, si dhe shtetasit Kreshnik Bashkim Meta, 28 vjeç, banues në Tiranë, i dënuar më parë për vjedhje.
Gjithashtu u proçedua në gjendje të lirë shtetasi Alban Petrit Danga, 22 vjec, banues në Tiranë, i padënuar më parë.
Sipas policisë, pas një hetimi intesiv disa mujor mbi këto shtetas mbrëmë rreth orës 21.00’, në rrugën “Mine Peza” në Tiranë, janë kapur me një sasi lënde e dyshuar narkotike e llojit “Cannabis Sattiva” me peshë 1 kg e 500 gramë e cila u sekuestrua në cilësinë e provës materiale si dhe u sekuestruan në cilësin e provës materiale dhe dy telefona celular.
Materialet hetimore të përpiluara në ngarkim të tyre do t’i kalojunë Prokurorisë së Rrethit Gjyqësor Tiranë, për konsumim të veprës penale të “Prodhimit dhe shitjes së lëndëve narkotike”, parashikuar nga neni 283/2 i Kodit Penal.