Tiranë, katër të arrestuar për mbajtje e shitje droge brenda natës

TIRANE – Lajmifundit – Policia e kryeqytetit ka vënë në pranga katër persona gjatë natës së kaluar mne akuzën e mbajtjes së lëndëve narkotike. Burimet zyrtare thanë se Specialistë të Seksionit Kundër Narkotikëve në policinë e Tiranës bënë të mundur kapjen dhe më pas arrestimin në flagrancë të shtetasve Agron Nexhip Shaba, 30 vjec, banues në Tiranë, Tarzan Limo Tahiri, 26 vjec, banues në Durres dhe Gentian Gramoz Shaqiri, 23 vjec, banues në Tiranë.
Policia tha se arrestimi i këtyre shtetasve u bë në kuadër të operacionit të koduar “Lavazhi”, ku në bazë të informacioneve se këta shtetas merreshin me shitje të bimëve narkotike “Cannabis Sattiva”.
Rreth orës 17.15, në Rrugën e Kavajës në Kryqëzimin e Unazës së Re, në lavazhin në pronësi të shtetasit Agron Shaba, u bë kapja në flagrancë e këtyre shtetasve me nje sasi prej 1 kg e 500 gram lëndë narkotike e dyshuar “Cannabis Sattiva”, e cila u sekuestrua në cilësinë e provës materiale, gjithashtu u sekuestruan dhe tre aparate celular dhe automjeti me targë TR 7792 T.
Materialet i kaluan Prokurorisë së Rrethit Gjyqësor Tiranë, për konsimim të veprës penale të prodhimit dhe të shitjes së lëndëva narkotike, parashikuar nga neni 283/2 i KP.
Po mbrëmë, Specialistë të Seksionit Kundër Narkotikëve, bënë të mundur kapjen dhe më pas arrestimin në flagrancë të shtetasit Julian Qazim Meta, 19 vjec, banues në Tiranë, pasi ne oren 19.30, ne rrugen “Sadik Petrela”, tek “Vila Balla”, është kapur ne flagrancë me tre qese farmacie me 12.4 ( dymbedhjet pikë kater) gram, bime narkotike e dyshuar “Cannabis Sattiva”, e cila u sekuestrua në cilësinë e provës materiale, gjithështu u sekuestrua dhe një telefon celular i markes Vodafone si dhe shuma e parave prej 8700 lekësh.