Shfrytëzoi gruan dhe dy fëmijët e mitur për 3 vjet, kapet në Korçë

Transmetuar më 02.05.2012 16:40
Korçë, 2 maj 2012, NOA- Një 46 vjeçar nga qyteti i Korçës u vu në
prangat e policisë pasi shfrytëzonte gruan, vajzën dhe djalin e mitur.

Burime zyrtare nga policia e këtij qyteti thanë për agjencinë e lajmeve
noa.al, se i ndaluari është Nevrus Hyseni banues në lagjen nr 4 Korçë, i
dënuar më parë për veprën penale të “Shfrytëzimit të prostitucionit”.

Mësohet se Hyseni për afro 3 vjet shfrytëzonte me synim fitimin e të
hollave duke i nxjerrë të lypnin në rrugë bashkëshorten e tij 35 vjeçare
V.Hyseni, vajzën 13 vjeçare dhe djalin 3 vjeçar.

Nga ana e policisë thuhet se gruaja me fëmijët lypnin në varrezat e
qytetit, ndërsa në ditë feste zhvendoseshin në fshatra të ndryshme si
Boboshticë, Drenovë, Mborje.

Lidhur me këtë rast ndaj Nevrus Hysenit nisën hetimet për veprat penale “Trafikim i femrave” dhe “Keqtrajtim i të miturve”.

a.y/noa.al

o duhet hapur padi per Sali Berishen ,,qe po e shkaterron ate vend nga themelet