Hermes Nikaj, pas pezullimit nga Aldo i rikthehet modelimit

22-vjeçari nga Tirana, i njohur si Zogu i Tiranës, gjatë një viti që shfaqej çdo mëngjes në programin “Aldo Morning Show” në “Tv Klan”, tashmja i është rikthyer pasionit të tij prej tri vitesh, modelimit. Djali i komentuar në media për deklaratën e tij të dashurisë ndaj Vlash Mërtikës, ish-banor i “Big Brother 5”, u pezullua përkohësisht nga ky program për thyerje të rregullores, ndërsa flitet për një rikthim të tij. Ndaj këtë periudhë që ai nuk shfaqet në ekran, ka realizuar një set fotografish, ku ishte pjesëmarrës tek Java e Modës, një spektakël i zhvilluar në ambientet e TEG, dhe ku Hermes sfiloi për veshje të ndryshme të sezonit të ri, duke u bërë pjesë e katalogëve. Para pak kohësh, Hermes realizoi një set fotografik së bashku me Domenikën e BB4, që u pëlqye nga publiku. Në emisionin e Aldon Lipes, ai fitoi fansa për faktin se realizonte çdo gjë në ekran, pa e vrarë mendjen për komentet që mund t’i bëheshin.