Një grup djemsh hedhin lëndë plasëse në aktivitetin e homoseksualëve në Tiranë (VIDEO)

Përpjekja e aktivistëve në mbrojtje të komunitetit gay për të organizuar një aktivitet paraprak, 3 ditë përpara paradës së paralajmëruar dhe njëkohësisht të shumëdiskutuar të homoseksualëve, më 17 maj, në Ditë Ndërkombëtare kundër Homofobisë, ka rezultuar e pasuksesshme, pasi një grup të rinjsh kanë provokuar duke hedhur lëndë plasëse në drejtim të tyre. “Aktivistë për të drejtat e LGBT pedaluan sot me biçikleta në bulevardin “Dëshmorët e Kombit” në Tiranë, duke sfiduar jo vetëm kushtet e këqija të motit dhe shiun që ra pa ndërprerje, por mbi të gjitha mentalitetin dhe fobirat e pajustifikuara të një vendi që kishte muaj që diskutonte a do bëhet apo jo një paradë gej”, — thuhet në një njoftim të shpërndarë nga aktivistë të LGTB.

“Aktiviteti i mësipërm, i pari i këtij lloji në Shqipëri u organizua nga dy organizatat që mbrojnë të drejtat e LGBT: organizata “Pro LGBT” dhe “Aleanca Kundër Diskriminimit të LGBT”. Aktiviteti u mbështet nga EcoVolis që vuri në dispozicion jo vetëm biçikletat, por përmes këtij akti tregoi publikisht mbështetjen ndaj çdo kauze që mbron të drejtat e njeriut.(KlikoMomentin.com)

http://www.klikomomentin.com/nje-grup-djemsh-hedhin-lende-plasese-ne-aktivitetin-e-homoseksualeve-ne-tirane/