Absurde: Një truprojë dhunohej sistematikisht nga gruaja…

Ndoshta është absurde por një britanik, i cili ishte truprojë në një lokal nate është dhunuar sitematikisht nga e shoqja. Kieron Bell, 36 vjeç, ndërsa nuk e kishte problem të flakte jashtë lokalit të dehurit, me gruan e tij Sarah, ishte i pafuqishëm. Madje përvec se ishte bërë viktimë e sulmeve brutale të së shoqes disa herë, ajo njëherë i dha edhe një goditje me thikë në gjoks. E ndërsa erdhi policia ai sërish nuk gjeti kurajon për ta denoncuar. Kurse ajo u tha atyre se Kieron ishte rrëzuar dhe kishte rënë mbi thikën e biftekëve.
Tashmë ndërsa gjeti kurajon për ta lënë, ai shpreson se historia e tij do të nxisë meshkujt e tjerë që të flasin për këtë çështje. “Dhuna në familje kundër burrave është një problem i madh. Për shkak se gratë shihen si vulnerabël, njerëzit nuk e kuptojnë dot se si meshkujt mund të jenë subjekt të dhunës,” u shpreh ai për mediat. /albobserver.com/