Holandezët filmojnë Lazaratin

Atë që nuk e kanë bërë dot policia dhe mediat, e kanë bërë dy të rinj holandezë. Gjatë një udhëtimi turistik në Shqipëri, atë kanë hyrë në Lazarat dhe kanë filmuar parcelat e mbjella me kanabis.Në videon e postuar në Youtube, dy të rinj nga Holanda, vendi ku konsumi i kanabisit është i ligjshëm, habiten me parcelat që gjelbërojnë fshatin, ku familje të tëra dalin për ta korrur e nxënësit shtyjnë bimët për të hapur rrugën për në shkollë.“Nuk është normale, një fshat i tërë i mbjellë me bimë. Është mbi tre metër. E gjithë familja kishte dalë për ta korrur. Fëmijët hapin rrugën mes bimëve për të shkuar në shkollë”, thonë ata në video.Në video nuk mungojnë edhe shakatë e dy të rinjve në lidhje me fshatin jugor, ku sa hyn mund të të duket se dikush po pi një cigare hashash, por disa metra më tutje “gjen një arë të tërë me mall të freskët”.Daan Vonk & Theo Roelofs, dy djemtë nga Amsterdami e kanë përmbledhur aventurën e tyre në Shqipëri në një film 52. 13 minutash, të cilin e kanë titulluar “Udhëtimi me motoçikletë nëpër Shqipëri”. / G.N.