Engjujt Shqipetare Forum/portal
Would you like to react to this message? Create an account in a few clicks or log in to continue.

Shko poshtë
Anabel
Anabel
Fondatore Forumi
Fondatore Forumi
 <b>Gjinia</b> Gjinia : Female
<b>Shteti</b> Shteti : Greece
<b>Postime</b> Postime : 88355
<b>Anetaresuar</b> Anetaresuar : 22/01/2010
http://www.engjujtshqiptare.com/

default Eksperiencë me ndërkombëtarë

prej Tue 22 May 2012 - 3:12
Petrit Qejvani

Këto dy dekada të pas komunizmit. Ata me një gjuhë herë direkte dhe herë tërthore kanë ndikuar jo pak në rrjedhën politike në Shqipëri. Po cili është statusi i tyre? Kjo pyetje për disa mund të tingëllojë e tepërt, por në të vërtetë nuk është kështu. Dihet, thonë ata, se ndërkombëtarët janë këtu me statusin e arbitrit. Dhe ata vetë me këtë kostum paraqiten. Mirëpo paanësia e arbitrit në ndeshjet e përleshjet e ashpra politike në Shqipëri, ku shpesh është dashur të” ndërpritet loja”, nuk i ka shpëtuar kompromentimit me gjithë kujdesin dhe delikatesën me të cilën ata janë përpjekur të mbulojnë njëanësinë e tyre “të pamandatuar”.

E keqja është se në një lojë të ashpër në kufijtë e armiqësisë e jo të garës, anësia dhe, sidomos animi i plotë nga lojtarët që shkaktojnë vazhdimisht faulle, është jo vetë i padrejtë dhe i pandershëm, por edhe i mbarsur me deformime dhe rreziqe të riciklueshme, që burojnë prej largimit nga e drejta. Por, përtej deklaratave të tyre, ata me veprimet e mosveprimet e tyre kanë treguar, edhe për një sy të zakonshëm, pale të specializuar, pozicionet e tyre “pro” dhe “kundër”në favor të njërit dhe në dëm të tjetrit. Më konkretisht, së paku që nga 2009 e këtej, ata janë anuar dukshëm nga Berisha, ndonëse herë pas here i shkelin syrin djallëzisht edhe Ramës, si për t’i thënë “mos u shqetëso, jemi në “mes”.

Rasti i parë është qëndrimi ndaj kërkesës së opozitës për hapjen e kutive të votimit në zgjedhjet parlamentare të 2009-ës për të verifikuar dyshimin e bazuar se zgjedhjet ishin manipuluar. Por komuniteti ndërkombëtar e vështroi me “syze dielli” këtë kërkesë legjitime të opozitës. Tensionimi i situatës dhe ngritja e temperaturës politike shtuan ecejaket e emisarëve të Evropës dhe Amerikës këtu, por pa rezultat. As paradat groteske të ambasadorëve të trojkës sa nga selia blu në atë rozë nuk e lëkundën Berishën, i cili po i bënte karshillëk edhe Evropës edhe Amerikës. U organizuan edhe darka si ajo te “Krokodili”, por Berisha nuk u tremb prej tij. Këmbëngulës si ai, i “lodhi” ndërkombëtarët, të cilët, kur e panë që “muri” Berisha nuk binte, gjetën më të bindurin, Ramën, i cili hoqi dorë nga një e drejtë e pamohueshme.

Rasti i dytë lidhe me zgjedhjet vendore të 2011. Tensioni u ngrit sërish. Si gjithmonë protagonist Berisha, që në konflikte gjen shprehjen e plotë të unit të tij politik. Kulmi arriti në Tiranë, ku u rrëmbye mandati i kryetarit të bashkisë në mënyrën më spektakolare, por me procedurë. Ndërkombëtarët thanë ca fjalë as mish as peshk për procesin. Njëlloj si t’i thoshin Ramës “të rrosh vet”. Prova e tretë është 21 janari për të cilin është folur shumë dhe nuk po zgjatem.

E fundit fare: seanca e Kuvendit për zgjedhjen e anëtarit të ri të KLD, ku u shkelën procedurat në çastin e fundit dhe ambasadori amerikan edhe një herë në rolin e “arbitrit”, tha pak a shumë se fajtorë janë të dy palët, njëlloj si teto Naja e novelës së Kadaresë “Sezoni dimëror i “Kafe Rivierës”, që në mbledhjen e kolektivit ku po kritikohej një djalë i ri tha: “Ene drejtori ka të drejtë, ene çuni ka të drejtë…” Pra, sërish në anën e Berishës. Pas gjithë këtyre provave, besoj, duket se ndërkombëtarët nuk janë në mes, por djathtas. Dhe këtë mendoj se e kuptojnë të gjithë, por nuk e di a e kupton Edi Rama. Gjer tani nuk ka ndonjë shenjë se e kupton. Dhe më e rëndësishmja: a e di ai pse ndërkombëtarët mbështesin Berishën? Pa i dhënë përgjigje kësaj pyetjeje viti 2013 ka gjasa të jetë ters për opozitën.


Eksperiencë me ndërkombëtarë Engjuj17
Portali ~ Forumi ~ St@ff ~ Rregulloria Forumit

Keni paqartesi... Me kontakto ne PM
Mbrapsht në krye
Drejtat e ktij Forumit:
Ju nuk mund ti përgjigjeni temave të këtij forumi