Miqësore, Bayern Munchen mund Hollandën

Bayern Munchen ka mundur kombëtaren hollandeze të futbollit me rezultatin 3-2 në një ndeshje miqësore që është zhvilluar në “Allianz Arena” të Mynihut të martën në mbrëmje.

Toni Kroos kaloi në avantazh bavarezët në minutën e 16, por hollandezët kthyen rezultatin brenda tre minutash me anë të Klaas-Jan Huntelaar dhe Luciano Narsingh, sulmues i Heerenven.

Në minutën e 28 Nils Petersen barazoi rezultatin në 2-2.

Në pjesën e dytë ritmi i lojës ra për shkak të zëvendësimeve të shumta nga të dy ekipet.

Katër minuta nga fundi, Mario Gomez shfrytëzoi një krosim të Frank Ribery për t’i dhënë fitoren ekipit gjerman.

Miqësoret e tjera të Hollandës në kuadër të përgatitjeve për Euro 2012 janë: ndaj Bullgarisë të shtunën, ndaj Sllovakisë (30 maj) dhe ndaj Irlandës së Veriut (2 qershor).