24-vjeçari që mposhti vdekjen

Një aventurier i çmendur vendosi emrin e tij në librin e arritjeve të pabesueshme, duke u shndërruar në personin e dytë në botë që arrin t’i mbijetojë një rënie prej 80 metrash nga një prej ujëvarave më të larta në botë.

Rafael “Rafa Ortiz” vendosi të sfidonte ujëvarën e Paluzës në shtetin e Uashingtonit, duke u hedhur me vullnetin e rij në rënie të lirë.

”Ishte një kohë shumë e gjatë deri në rënien në ujë. Rënia e lirë më e gjatë në jetën time. Impakti me ujin nuk ishte shumë i fortë dhe më pas, rrymat nisën të më nxirrnin lart së bashku me kajakun tim. U kapa fort pas tij dhe në fund arrita të ngjitem në sipërfaqe”, deklaroi Ortiz.

24-vjeçari, me këtë arritje shndërrohet në njeriun e dytë në botë që arrin të realizojë një hedhje të suksesshme nga ujëvara e Paluzës, e cila i ka kushtuar jetën shumë aventurierëve të tjerë.
Më parë gjatë javës, një njeri i dëshpëruar tentoi të vetvritej në ujëvarën më të famshme në SHBA, atë të Niagarës, por u
shndërrua në njeriun e tretë në histori që i mbijetoi rënies së lirë pa asnjë mjet mbrojtës në ujëvarë.