E fshin nga Facebook, rrahje e paparë mes dy femrash, 40 vetë për t’i ndarë

28 Maj 2012, R.Bulku NOA.al - Një grua nuk e ka duruar dot faktin kur zbuloi se emri i saj ishte fshirë në Facebook nga një mikeshë tepër e afërt e saj.

Në këtë ngjarje u desh ndërhyrja e policisë për të qetësuar dy mikeshat dhe ndërhyrja edhe nga rreth 40 personat që ndodheshin rrotull duke parë skenën.

Dy ish-miket përfunduan të dyja në ambulancë për të marrë ndihmë mjekësore në spital pas grindjes së rrallë, raporton noa.al.

Gjithçka ka ndodhur pas drekës që po hanin. Befas njëra prej tyre zbuloi se mikja e kishte fshirë nga Facebook dhe menjëherë rendi drejt saj për t’i kërkuar shpjegime.

Në një moment diskutimi është kthyer në sherr mes dy femrave nga Borgo Nuovo e Italisë. Në këtë grindje kanë marrë pjesë dhe familjarët së bashku me të afërmit e femrave. Sherri u pasua me britma, sharje, akuza të forta, përleshje që degjeneruan në shkulje flokësh, goditje në trup dhe në kokë. r.b/noa.al