I kalon treni sipër, mbijeton

Një kanadez i ka mbijetuar për mrekulli kalimit të lokomotivës dhe 26 vagonëve mallrash sipër vetes.
Sigurisht rastisi në mes të shinave, por duke marrë parasysh se ishte totalisht “tapë” kur u fut në shinat e trenit, kjo është cilësuar si “mrekulli” për të.
Ngjarja ka ndodhur në Elko, Kolumbia Britanike. Sipas të përditshmes lokale “The Calgary Herald”, ai ishte dalluar që larg nga makinisti i trenit, i cili i kishte rënë sirenës dhe kishte shtypur frenat e emergjencës, por nuk kishte arritur të ndalonte në kohë, duke lejuar kalimin e 26 vagonëve sipër tij.
“Kur kishte parë veten poshtë trenit, djali dukej sikur sapo ishte zgjuar, më pas ishte ngritur në këmbë dhe kishte marrë shishen e birrës që i kishte rënë aty pranë dhe kishte vazhduar qetësisht rrugën”, tha polici i zonës, Deiv Dubnik. Policia kanadeze po heton, por nuk ka ngritur asnjë akuzë kundër tij.